[真。時事分享]
始終忍唔住要講兩句。
相信大家一定聽過以下嘅陳腔濫調：
「你畀人打都唔應該打返人，你應該話畀老師知！」我話咗啦，老師呢？老師你死咗去邊呀？
我絕對唔係鼓勵暴力，但畀人打都唔還手未免太過離地(特別係你班所謂『老師』﹑『教育工作者』忙住粉飾太平同臭屎密冚果時)。保護自己係生物嘅本能，而某啲老師為咗｢多一事不如少一事」，就灌輸一種｢我理得你咩原因，總之點都唔可以打人｣嘅觀念去幫學生洗腦，甚至罰埋受害者一份。結果，加害者繼續嘻嘻哈哈，受害者就連反抗嘅勇氣都冇埋。
我嘅專業係語言學，而唔係兒童心理。但如果畀我教，我一定唔會叫受害者啞忍。
暴力未必解決到問題，但唔用暴力分分鐘會畀人解決。
P.S 聽聞，今日果位老師竟然仲好意思問：｢成嚿擦膠響耳仔唔痛咩？你做咩唔出聲？｣成件事真係反智到仆晒街。
#越寫越扯火 #CLS老師 #咪再龜縮啦 #反智到不可理喻 #愛與和平解決唔到欺凌 #BenSir #BenSir同你學教仔
校園欺凌講兩句
小學操場小息時，我畀同學扑頭好痛，我唔記得有冇喊。喺操場我係咁追佢，大家互相閃避。我推到佢埋牆，背脊向住我，我雙手抱拳，提至左上方，狀似捧球員擊球姿勢。
唔記得有冇同學勸交，最後我冇鋤落去。
預防欺凌，要練體能、練速度、練反應。
#bensir
Search